بەمەبەستی لە نزیکەوە ئاگاداربوون لە چۆنیەتی بەرێوەچوونی رەوشی پەروەردەیی بە تایبەت لە وانەی ھونەری لە ناوەندەکانی خوێندن و بەدوا داچوون کارەکانی وانەکە و زیاتر پێشخستنی وانەکە وەکو سەرجەم وانەکانی تر ، لە بەرێوەبەرایەتی گشتی چاڵاکی وەرزش و ھونەر مامۆستا بەکر کەریم بەرێوەبەری گشتی چاڵاکی وەرزش و ھونەر لەگەڵ بەرێوەبەری چاڵاکی قوتابخانەکانی ھەریەک لە پەروەردە گشتییەکانی سەر ئاستی ھەرێمی کوردستان(ھەولێر،سلێمانی، ھەڵەبجە، گەرمیان، کەرکوک، دھۆک) کۆبووەوە بە ئامانجی گوێگترن بۆ گرفت و داوکاری و پێشنیاریەکانیان بۆ ئەوەی بتوانن وانەکە لە وانەکانی خوێندن زیاتر بەھێز بکەن، بەرێوەبەری گشتی لە سەرەتای قسەکانی تیشکی خستە سەر وانەی ھونەر و کارەکانی چاڵاکی قوتابخانەکان لە پەروەردە گشتیەکانی سەر ئاستی ھەرێم و گوتیشی" ئێمە ھەوڵ دەدەین بە ھەماھەنگی ئێوە کەوا داتایەکی مامۆستایانی ھونەرمان لەبەر دەست بێت و دیاری کردنی قوتابیە بەھرەمەندەکان و دروست کردنی پرۆفایل بۆ ئەم قوتابیانە و خستە رووی گرفتەکانی مامۆستایانی وەرزش بۆ ئەوەی بەرزیان بکەینەوە بۆ وەزارەتی پەروەردە و دیاری کردنی کارەکانی سەرپەرشتیاری ھونەری و کردنەوەی خولی ھونەری بۆ مامۆستایان لە ناو قوتابخانەکان و بە ھەماھەنگی کۆلێژی ھونەرە جوانەکان باشتر کردنی وانەکە لە قوتابخانەکان و چەندین پرسی تری گرنگی لە بارەی ھونەر خستیە بەرباس، دواتریش بەرێوەبەری گشتی چاڵاکی و ھونەر گوێ بۆ سەرەنج و گرفتەکانی بەرێوەبەری چاڵاکی قوتابخانەکان گرت بۆ ئەوەی میکانزمێکی گونجاویان بۆ بدۆزیتەوە، بەرێوەبەری چاڵاکیەکانیش چەندین گرفتیان خستە روو وەکو نەبوونی دەرمالە بۆ مامۆستایانی ھونەر لە سەردانی کردنیان بۆ قوتابخانەکە و نەبوونی مامۆستای وانەی ھونەر لە ژمارەیەک لەپەروەردەی قەزاکان ، گەڕانەوەی بنکەی کارە دەستیەکان بۆ سەر بەرێوەبەرایەتی چاڵاکی قوتابخانەکان و ڕاگرتنی سەرجەم چاڵاکیە ھونەرەییەکان لە رێگەی بەرێوەبەرایەتی چاڵاکی قوتابخانەکان ، رێژەیەک لە پارەی داھاتی فرۆشگا دبین بکرێت بۆ بەرێوەبەرایەتی چاڵاکی قوتابخانەکان بۆ ئەنجامدانی کارەکانیان ، گۆرینەوەی کەلتوری شارەکان لە چاڵاکیەکان و چەندین گرفت و پێشنیار خرایە بەرباس بۆ ئەوەی بەرێوەبەری گشتی لە داھاتوو کاری لەسەر بکات و خزمەتی زیاتری ھونەری پێبکات ، لەلایەن خۆشیەوە بەرێوەبەری گشتی چاڵاکی وەرزش و ھونەر گوتیی" لەرێگەی وەزارەتی پەروەردە ھەوڵدەدەین سەرجەم گرفتەکانتان بخەینە بەرباس بۆ ئەوەی رەوشی ھونەری زیاتر بەرز بکەینەوە.
