خانمە گۆرانیبێژی بیلارووسیا، نادین کۆچەر، خەڵاتی گۆرانیبێژی ساڵی بۆ ساڵی 2015ـی پێبەخشرا کە ساڵانە "بی بی سی کاردف" ئەم خەڵاتە دەبەخشێت.

تۆڕی هەواڵی "بی بی سی" بڵاویکردۆتەوە، کۆچەر لەگەڵ 19 کەسدا لەسەر ئاستی جیهاندا رکابەری بۆ بەدەستهێنانی ئەم خەڵاتە هونەرییە دەکرد.

کۆچەر جگە لە نازناوەکە، بڕی 15 هەزار پاوەندیشی پێ دەبەخشرێت و گۆرانییەک لە ئاوازی جۆن لۆن لە ئاهەنگی موزیکی "بی بی سی برۆمز 2015"ـدا پێشکەش دەکات.

ئەم پێشبڕکێیە لە ساڵی 1983ـدا دامەزراوە و ساڵانە خەڵات بە گۆرانیبێژانی کلاسیکی و بەرهەمەند دەبەخشێت.