شاندێكی زانكۆكانی كوردستان سەردانی ئیسپانیای کرد
بەپێی راپۆرتێكی رۆژنامەوانی یەكێك لە ئەندامی شاندەكە، د. موسڵیح دهۆكی، سەرۆكی زانكۆی دهۆك، رایگەیاند كە سەردانەكە، سەردانێكی سەركەوتوو بەنرخ بووە.
سەرۆكی زانكۆی دهۆك، گوتی: \"لە سەردانەكەماندا بۆ وڵاتی ئیسپانیا، لە شارەكانی بەرشەلۆنە و مەدرید سەردانی چەندین زانكۆمان كرد و بەمەبەستی پتەوكردنی پەیوەندییەكان لەگەڵ ئەو زانكۆیانە و زانكۆكانی كوردستان، چاومان بە ئاژانسێكی نێودەوڵەتی ئیسپانیش كەوت \"".
د. موسڵیح رایگەیاند: سەردانەكە لەلایەن نوێنەرایەتی حكومەتی هەرێمی كوردستان لە ئیسپانیا رێكخرابوو، شاندەكەش نوێنەری 11 زانكۆی كوردستانی تێدا بووە.
ئەم شاندە، بۆ ماوەی چوار رۆژ لە وڵاتی ئیسپانیا ماونەتەوە."
