Rêveberiya polîsê Germiyanê bi daxuyaniyekî aşkera kir, jinekê li sînorê Kelarê xwe şewitandiye.

Îro 28.06.2019ê rêveberiya polîsê Germiyanê daxuyaniyek di tora xwe ya fermî ya civakî facebookê de belav kir û ragehand: ‘’Îro serê sibehê li bajarokê Rizgarî ya ser bi Kelarê jinek anîn beşa lezgîn a nexwaşxaneya Şehîd Hejar a Kelarê, ku beşek ji bedena wê şewitî bû û ew jin dayîkbûyê sala 1993ê bû û xwedî sê zarok bû û ji ber pirsgirêkên malbatî xwe şewitandiye.’’

Herwaha hat ragehandin: ‘’Ji ber rêjeya zêde ya şewata bedena wê jinê, ew ji beşa lezgîn a nexwaşxaneya Şehîd Hejar ve ji bo nexwaşxaneya Silêmaniyê hate birêkirin. Bi biryara dadwer û li gor madeya 408 hevjînê wê û zawayekî wê jinê hatine girtin.’’

Basnews