Li bajarê Duhokê di encama şerê du malbatên Bakûrî de kesek hat kuştin.

Duh li taxa Evro City ya Duhokê komek kesên çekdar êrişî mala welatiyekî kirin.

Peyamnêrê BasNewsê li Duhokê ragihand, xwedanê malê bersiva êrişa wan da û di encamê de yek ji wan çekdaran hat kuştin.

Berdevkê polîsê Duhokê Hêmin Silêman li ser bûyerê ji BasNewsê re got, di wê bûyerê de kesek hat kuştin û yek jî birîndar bû.

Hêmin Silêman da zanîn ku ew bûyer ji ber kêşeyeka civakî qewimiye û got, bûyer ji ber nakokiyeka kûr di navbera du malbatan de qewimiye. Her du malbat jî kurdên Bakûrê Kurdistanê ne.

Wî efserê polîs anî ziman ku derheqê bûyerê de lêpirsîn û lêkolîn didomin.

Basnews