Li Firokexaneya Şerafedîn Elçî ya Şirnexê li Bakurê Kurdistanê, peywirdarekî ewlehiya taybet ê bi navê Husamettin Aydin, li tuwaleta firokexaneyê xwe kuşt.

Bûyer roja înê 24ê Sibata 2017ê di derdora 08:30î de li Firokexaneya Şerafedîn Elçî ya Şirnexê qewimî.

Husamettin Aydin li firokexaneyê peywirdarê ewlehiyê bû. Aydin çûye tuwaletê û li gor îdiayan bi demançeya xwe, xwe kuştiye.

Peywirdarên paqijiyê dîtine ku Husamettin Aydin di nav xwînê de li erdê ye û yekser gazî polîs û tîmên tendirustiyê kirine.

Tîmên tendirustiyê hatin cihê bûyerê û tesbît kirin ku Aydin jiyana xwe ji dest daye.

Termê Husamettin Aydin, ji bo otopsiyê birin morga nexweşxaneyê.

Herwiha polîsan jî li ser bûyerê dest bi lêkolînê kirin.

Rudaw