Polîsê navçeya Soranê ragihand, termê xortekî kurd ê ji Rojhilatê Kurdistanê li Soranê hatiye dîtin.

Berdevkê Polîsê Soranê, neqîb Hawar Ergoşî di daxuyaniyekê de ji Rûdawê re ragihand, êvariya roja yekşemiyê 8ê Çileya 2017ê, termê xortekî kurd ê ji Rojhilatê Kurdistanê bi mirî hatiye dîtin.

Hawar Ergoşî got: “Navê wî xortî Peyman Hemedemîn Îsazade û ji dayikbûyê sala 1992 ye û termê wî li deşta Dilêziyan a navçeya Soranê ya ser bi bajarê Hewlêrê ve hatiye dîtin.”

Ergoşî herwiha ragihand: “Termê wî xortî bo pizîşkiya dadê ya Soranê hatiye şandi û piştî gihîştina bavê wî xortî, wî ji me re ragihand, ku kurê wî piştî ku ji mal derketiye derê, nevegeriyaye.”

Berdevkê Polîsê Soranê dibêje, ti cihê îşkence û fetisînê yan xenqînê li ser bedena wî xortê Rojhilatê Kurdistanê nehatiye dîtin û bo lêkolînên zêdetir termê wî bo pizîşkiya dad a Hewlêrê hatiye birêkirin.

Peyman Îsazade akinciyê Taxa Azadî ya Soranê bûye û keskeî zigurdî (nezewicî) bûye.

Rudaw