Aktrîst, balerîn û mankena misirî Nelly Karim pesna jinên kurd da û got ku ew sembola jinên bi hêz in.

Nally Karim di dema beşarbûna 13emîn Festîvala Navdewletî ya Fîlman a Dubeyê de ji Rûdawê re axivî û diyar kir, ku ew jî weke gelê Misirê pir hez ji gelê kurd dike.

Nelly Karim got; “Jinên kurd mînaka jinên bi hêz in. Ew sembola jinên bi hêz ên Rojhilata Navîn in. Divê bi hêz û îrade bin. Divê bikarin ciwaniya xwe biparêzin.

Karim herwiha hêvî xwest ku aloziyên li Rojhilata Navîn zû xilas bibin.

Stêrka misirî eşkere kir, ku dê filma wê ya dawiyê jî di demeke nêzîk de bê nimayîşkirin.

Nelly Karim 41 salî ye û heta niha di 16 filmên sînemayê de rol girtiye.

Rudaw