Fermandarê Giştî yê HSDê Mezlûm Ebdî, têkildar şewata li nexweşxaneya Îbin El-Xetîb a li Bexdayê, piştgiriya xwe ji Iraqê re nîşan da û sersaxî ji malbatên qurbaniyan re xwest.

Der barê şewata li nexweşxaneya Îbin El-Xetîb a li paytexta Iraq Bexdayê de ku di encamê de zêdetirî 82 kesan jiyana xwe ji dest da û 110 kesên din jî birîndar bûn, Fermandarê Giştî yê Hêzên Suriya Demokratîk (HSD) Mezlûm Ebdî bi postekê ku ser rûpela xwe Tiwîtterê belav kir û got:"Me bi xemgînî bûyera bi êş a li nexweşxaneya Îbin El-Xetîb a li Bexdayê bihîst, li ser vê yekê em piştgiriya xwe ya ji Iraqê re nîşan didin, sebir û sersaxiyê ji malbatên şehîdan re dixwazin û şîfaaya lezgîn ji birîndaran re dixwazin."

Ji ber teqîna tûpeke oksîjenê li nexweşxaneya Îbin Xetîb agir li nexweşxaneyê derket û ji ber wê 82 kes mirin û bi sedan kes jî birîndar bûn.

Basnews