Artêşa Tirkiyê gundên Eyn Îsayê topbaran kirin
Li gorî çavkaniyên xwecihî, şeva borî artêşa Tirkiyê û çekdarên opozisyona Sûriyê ji gundewarên Girê Spî, gundên Hoşan û Dibis yên Eyn Îsayê herwiha riya M4 a navdewletî topbaran kirin.
Derbarê ziyanan heta niha ti zanyarî nehatine belavkirin.
Eyn Îsa ku bajarekî biçûk e, lê xwedî girîngiyeke stratejîk a mezin e. Eger ew bajar bikeve destê Tirkiyê û çekdaran, ew tê wê wateyê rêya di navbera Herêma Cizîrê û Kobanî de qût dibe.
Bajarê Eyn Îsa, 47 kîlometreyan dûrî bajarê Reqa ye, 66 kîlometreyan li başûrê rojhilatê Kobanî ye û 30 kîlometreyan ji navenda bajarê Girê Spî dûr e ku ew jî di bin destê hêzên Tirkiyê û grûpên çekdar de ye.
Girîngiya stratejîk a Eyn Îsa ji wê yekê tê ku li ser rêya navdewletî ya M-4 Rodko ye. Rêya M-4 Cizîra Rojavayê Kurdistanê bi Heleb, Laziqiyê, Hims, Hema û Şamê ve girêdide.
Rudaw
