Xesrew Goran: PDK dê li Kerkûkê beşdarî helbijartinê bibe
Berpirsê saziya helbijartinên PDKê Xesrew Goran ji BasNewsê re ragehand: ‘’PDK li Kerkûk û hemû navçeyên Kurdistanî yên derveyî îdareya herêma Kurdistanê beşdarî helbijartinên pêşwext ên Parlamentoya Iraqê dibe.’’
Xesrew Gorran got, partiya wan naha kar li ser diyar kirina navên namzedan li Kerkûk û navçeyên Kurdistanî yên din dike û navan dê dema xwe de radestî komîsyonê bikin.
Berpirsê saziya helbijartina PDKê dibêje, helbijartinên pêşwext ku biryare roja 10.10.2021ê dê birêve biçin û ji helbijartinên bere cudatir e: ‘’Taktîkên zêde dixwaze, eger kurd amadekariyeke baş bikin dê dengên baş li wan navçeyan bidest bixin.’’
Derbarê amadekariyên PDKê de jî Xesrew Goran got: ‘’PDKê amadekarî kirine û tişta pêwîste bo wê kirine.’’
Basnews
