Navenda Femandeya Ewlekariya Entirnêata parêzgeha Îlam ragehand ku, di helmetekê de bo ser çalakvanên torên civatî li parêzgeha Îlam a Kurdistana rojhilat, rêveberê 450 malper, kenal û girûpên torên civakî hatin destgîrkirin.

Îro 27 Tebaxê, Berpirsê Navenda Femandeya Ewlekariya Entirnêata parêzgeha Îlamê ji malpera Ray Dana re ragehand, rêveberên 450 malper, kenal û girûpên torên civakî li wê parêzgeha Kurdistanî hatin destgîrkirin bi sedema ku wan kesan dijî asayişa neteweyî ya Îranê tevgeriyabûn.

Herwiha got: “Destgîrkirina wan kesan jibo parastina ewlekariya niştimanî û neteweyî ya îranê de ye.”

Bi gotina wî berpirsê Îranî, torên civakî û Intirnêt bûye sedema peydabûna pirsgirêkên civakî jibilî ku ew tore û malperên entirnêtê fişar û metirsîdarêiyê li ser ewlekariya niştimanî pêkanîne.

Basnews