Wezîrê Derve yê Rûsyayê Sergey Lavrov îro bi serdanekê gihîşt Tehranê û li gel Wezîrê Derve yê Îranê Mihemed Cewad Zerîf civiya. Zerîf û Lavrov di civînekê de pêwendiyên dualî, pirsên rêkeftina atomî, rewşa Sûriye û Yemenê gotûbêj kirin.

Sergey Lavrov dê li gel Serokkomarê Îranê, Hesen Rûhanî û Serokê Parlamentoya Îranê Mihemed Baqir Qalîbafî jî bicive.

Di wê sedanê de, dê 2 rêkkeftin di navbera Îran û Rûsyayê de bên îmzakirin. Yek ji wan rêkeftinan kulturî û ya din jî debrarê bernameya pêngavên alîkariyê de ye.

Balyozê Îranê yê li Rûsyayê, Kazim Celalî ragihandibû ku Moskow û Tehran li ser asta navdewletî rûbirûyî astengiyan dibin û dikarin zêdetir nêzîkî hev bibin, ji ber ku Amerîka reftareke xirab li gel Îran, Rûsya û Çînê dike û dûrpêç li ser wan datîne, ew her sê welat dikarin yekgirtinekê ava bikin û li kêleka hev rawestin.



Rudaw