Desteya Tenduristiyê hişyariya karesateke mirovî ya muhtemel da
Desteya Tenduristiyê ya Bakur û Rojhilatê Sûriyê ji ber belavbûna vîrusa koronayê hişyariya karesateke mirovî ya muhtemel da û bang li welatiyan kir ku bi kadroyên tenduristiyê re hevkar bin.
Hevserokê Desteya Tenduristiyê ya Bakur û Rojhilatê Sûriyê Dr. Ciwan Mistefa îro bi civîneke çapemeniyê ku li Daîreya Têkiliyên Derve ya li Qamişloyê hate lidarixstin, ji ber belavbûna vîrusa koronayê (Covid-19) hişyariya karesateke mirovî ya muhtemel da.
Mistefa got: "Îhtîmaleke mezin heye ku vîrusa koronayê ji bin kontrolê derkeve. Rewşa li herêmê trajîk e."
Ciwan Mistefa diyar kir ku hejmara pêketiyên koronayê û kesên jiyana xwe ji dest didin li herêmên Bakur û Rojhilatê Sûriyê her ku diçe zêde dibe û heta niha Rêxistina Tenduristiyê ya Cîhanê tu piştgirî nedaye herêmê.
Mistefa bang li welatiyan kir ku bi kadroyên tenduristiyê û Hêzên Ewlekariya Hundirîn re hevkar bin û li gorî qedexeya li herêmê tev bigerin da ku rê li ber belavbûna koronayê bê girtin.
Ji anhayê hatiye wergirtin.
