Bi mîqdarê 4 milyar û 672 milyon dînar, çend proje tên encam dan
Di dema vekirina rêya cotsaydî ya Lalişê de parêzgarê Duhokê Dr. Elî Teter silav û rêza Serokwezîr Mesrûr Barzanî gihand Mîrêz Êzdiyan û Encûmena Ruhanî ya êzdiyan. Herwiha Dr. Elî Teter got: ‘’Niha li parêzgeha Duhokê, bi mîqdarê zêdetir ji 200 milyar dînarî, proje tên cî bicîkirin û cotsayda perestgeha Laliş û kargeha zeytî jî di nava wan proje û karana de ye.‘’
Herwiha Dr. Elî Teter da zanîn ev hemû proje bi piştevaniya Serokwezîr Mesrûr Barzanî tên encam dan.
Dr. Elî Teter di berdewamiyê jî de got: ‘’Îro li qezaya Şêxanê bi mîqdarê 4 milyar û 672 milyon dînar, çend projeyên din hatine vekirin ku yek ji wan yarîgeha biçûk a werizişî û baxçeya sawayan û rêya dibistana gundê Bêbava ye. Kevirê bingehîn ji bo çendîn projeyên nû hatine danîn û di rojên bê de wê projeyên din wê bi dawî bibin û bikevin bin xizmeta xelkê. ‘’
Basnews
