Hevşaredara berê ya Qersê hat azadkirin
Hevşaredara berê ya Qersê Şevîn Alaca bo cara sêyem derket pêşberî 2yemîn Dadgeha Cezayê Giran a Qersê.
Şevîn Alaca ku bi “endamtiya rêxistinê” dihat tometbarkirin, ji Zindana Amedê bi rêya Sîstema Deng û Reng (Segbis) beşdarî rûniştina dadgehê bû.
Di encama rûniştina sêyem de heyeta dadgehê biryara azadkirina Şevîn Alaca da.
Roja 2ê Cotmehê li şûna Hevşaredarên Qersê Şevîn Alaca û Ayhan Bîlgen ku li ser lîsta Partiya Demokratîk a Gelan (HDP) bûbûn şaredar, qeyûm hatibû danîn.
Roja 8ê Cotmehê jî Şevîn Alaca li gel 15 kesên din ên endam û alîgirên HDPê, bi tometa “endamtiya rêxistinê” hatibû girtin.
Hevşaredarê Qersê Ayhan Bîlgen jî di çarçova “lêpirsîna Kobaniyê” de hatibû girtin.
Rudaw
