Li Taxa Birayetî ya paytexta Herêma Kurdistanê bajarê Hewlêrê welatiyekî Ereb xwe xeniqand.

Polîsê Hewlêrê îro yekşemiyê di daxuyaniyekê de aşkere kir, welatiyekî temen 53 sal ê Ereb li Taxa Birayetî ya bajarê Hewlêrê xwe xeniqandiye.

Li gorî daxuyaniya polîs, hêzên polîs saet 14:00ê îro ji bûyerê hatine agahdarkirin û piştre tîmeke polîs gihîştiye cihê bûyerê û dest bi lêkolînê kiriye.

Piştî encamdana lêkolînên destpêkê derketiye holê ku welatiyekî Ereb ê 53 salî bi bendikekê xwe xeniqandiye û dawî bi jiyana xwe aniye.

Polîsê Hewlêrê herwiha da xuyakirin, dosya bo vê bûyerê hatiye vekirin û piştî lêkolînên berfirehtir derketiye holê ku wî kesî nexweşiya derûnî (psykolojîk) hebûye.

Rudaw