Ofîsa Serokwezîr Mesrûr Barzanî li ser mirina penaberên kurd li Kurwatiya peyamek belav kir
Ofîsa Serokwezîr Mesrûr Barzanî di daxuyaniyekê de ragihandiye, mixabin li Kurwatiya di rûdaneka tirafîkê de 4 penaberên kurd yên Rojavayê Kurdistanê canê xwe ji dest dane û komek penaber jî birîndar bûne.
Di daxuyaniyê de hatiye gotin, ew sersaxiyê didin malbat û mirovên wan penaberan û hêviya başbûna acîl jî bo birîndaran dixwazin.
Ofîsa Serokwezîr Mesrûr Barzanî daye zanîn jî, bi fermana Serokwezîr, termên wan penaberan destpêkê bo Herêma Kurdistanê tên vegerandin û paşê jî derbasî Rojavayê Kurdistanê tên kirin û li wir tên veşartin.
Roja 22 Adara îsal di rûdaneka tirafîkê de li welatê Kurwatiya, 4 penaberên kurd yên Rojavayê Kurdistanê miribûn û 24 penaber jî birîndar bibûn.
Basnews
