Li gundewarê rojavayê Til Temirê li Rojavayê Kurdistanê, di bin mûşekbarana hêzên Tirkiyê şer di navbera grûpên çekdar ên ser bi Tirkiyê ve û şervanên Hêzên Sûriya Demokratîk (HSD) de derket.

Li gor Riwangeha Mafên Mirovan a Sûriyê, roja 26ê vê mehê, li gundên Kozeliyê û Til Leben li rojavayê Til Temir li Rojavayê Kurdistanê, li jêr mûşekbarana hêzên Tirkiyê şer di navbera grûpên çekdar ên ser bi Tirkiyê û HSD derket.

Li gor zanyariyan di encama şer de şervanên HSD zirxpoşeke grûpên çekdar jinav birin û li gor çavkaniyên HSDê hejmareke endamên wan grûpên çekdar hatine kuştin.

Hevdem li gundên Derdare û Til Minax li gundewarê bakurê Til Temir şer di navbera grûpên çekdar ên ser bi Tirkiyê û HSD derket.

Herwiha roja 25ê vê mehê, di dema grûpên çekdar xwestibûn xemdeqekê li gundewarê rojavayê Til Temir bikolin, şervanên HSD zirxpoşeke wan grûpan kir armanc û piştre şer û pevçûn derketin.

Rudaw