7 şervanên HSDê di şerê li Eyn Îsayê de canê xwe ji dest dan
Navenda Ragihandinê ya HSDê ragihand, artêşa Tirkiyê û grûpên çekdaran roja 23ê Adarê bi çekên giran û firokeyên çavdêriyê êrîşî ser Dibis li gundewarê Eyn Îsayê kirin û hêzên wan di rûyê wan de derketin û şer û pevçûnên giran rû dan.
HSDê aşkere kir, di encama wî şerî 7 şervanên HSDê canê xwe ji dest dan.
Demek e grûpên çekdar ên ser bi Tirkiyê ve, êrîşên xwe li ser nahiya Eyn Îsayê zêde kirine. HSD jî dibêje, ew ji bersiva wan êrîşan didin û nahêlin Tirkiye û çekdarên ser bi wê ve bi pêş ve bên.
Ji aliyekî din ve, Navenda Ragihandinê ya HSDê diyar kir, çekdarên ser bi Tirkiyê ve rojên 18 – 20 êrîşî ser gundên Seyda û Mualeq kirin û rûbirbûna wê êrîşê de 37 çekdarên ser bi Tirkiyê ve hatin kuştin.
