Finland dixwaze têkiliyên xwe li gel Kurdistanê berfire bike
Finland berdewam dibe li ser piştîvanî kirina Kurdistanê.
Serokwezîrê Kurdistanê Mesrûr Barzanî li gel balyozê Finlandê yê li Îraqê civiya û piştî civînê jî li ser hesabê xwe yê fermî derbarê naveroka civînê de wisa nivîsand;
Roja çarşem 17ê Adara 2021an me pêşwaziya balyozê Finlandê yê li Îraqê Vesa Häkkinen kir.
Di civînê de geşe pêdana têkiliyên Finland li gel Îraq û herêma Kurdistanê û çareser kirina kêşeyên navbera herêma Kurdistan û hikûmeta fedralî li ser esasê destûrê û para herêma Kurdistanê ji bûdceya fedralî ya Îraqê ya bo sala 2021an hatin nirxandin.
Balozê Finland Vesa Häkkinen hevdem li gel dubare kirina spas û rêzdariya welatê xwe bo rola herêma Kurdistanê di rûbirû bûna terorê û ji nav birina DIŞIê de, tekez li ser berdewamiya piştîvaniya Finland bo herêma Kurdistanê kir.
Di berdewamiya civînê de me jî spasiya piştîvaniyên Finland yên bo herêma Kurdistanê kir û hêviya vê yekê xwest ku têkiliyên navbera her du aliyan, zêdetir pêşde biçin bi taybetî di warê hêlbirîn û sermayegozarî de.
Hêlbijartinên pêş yên Îraqê, girîngiya cîhbicîh kirina rêkeftina Şingalê, der çûna milîşa û çekdarên derqanûnî li deverê û hewlên rûbirû bûna Koronayê li herêma Kurdistanê, çend mijarên din yên civîna me bûn.
Rudaw
