Li kampeke Tirkiyê ya penaberên Sûriyê destdirêjiya sêksî li ser 30 zarokên penaberan hatiye kirin.

Li kampa Nizîp ya penaberên Sûrî li Dîlokê, 30 zarokên penaber rastî destdirêjiya sêksî hatine, û li gor rojnameya Huriyet a Tirkî, ew destdirêjî ji aliyê karmendekî paqijkirinê ve hatiye kirin.

Herwiha Serokatiya Rêvebiriya Rewşên Awarte û Karesatê ya Serokwezîriyê (AFAD) jî ku serperiştiya kampê dike, ev nûçe piştrast kir.

Li gora agahiyên ku hatine bidestxistin, ew zarok ji 8 heya 12 salî ne û ew kesê dest avêtiye wan, li tawanên xwe mikur hatiye û egera wê yekê heye ku li gora yasayên Tirkiyê bi 289 salan bê cezakirin.

Rudaw