Bandeke dizîna zarokan hat girtin
Li bajarokê Çuwar Qurne ya girêdayî navçeya Raniye li parêzgeha Silêmaniyê bandeke 2 kesî ya revandina zarokan hat girtin.
Rêveberê Rêveberiya Polîsê Îdareya Raperînê lîwa Leşker Seîd ji Rûdawê re ragihand, roja pênşemî 21ê Nîsanê li bajarokê Çuwar Qurne zarokek 8 salî ji aliyê 2 kesan ve tê revandin û piştî revandina wî, daxwaza pere ji malbata wî dikin.
Leşker Seîd got, hêzên polîs û asayişê yên îdareya Raperînê bi hevkariya hêzên Antî-Terorê karîn di operasyonekê de her du tohmetbaran destser bikin û zarokê revandî rizgar bikin.
Seîd da xuyakirin: “Wan tohmetbaran ew zarok ji bo wergirtina pereyan revandibû, ti xizmatiya wan liel hev nebûye û xwestine piştî wergirtina pere jî wî zarokî wunda bikin.”
Rêveberê Polîsê Raperînê amaje bi wê yekê jî kir, ku her du kesên tohmetbar xelkê bajarokê Çuwar Qurne ne û niha polîs lêkolînê bi wan re dike.
Rudaw
