Di sedsaliya 101 a Komkujiya Ermeniyan li Turkiyê û bakûrê Kurdistanê, îro di slona Kulturan de li Berlînê, Kurd, Ermen û Tirk hatin cem hev, saziya Yekêtiya Çalakvanên Çalak AKEBI civînek û şeveke mûzîka hevbeş amadekirin.

Di civîna nivîskaran de binavê (Yek Turk, Kurd û yek Ermen liser 101 sal piştre di axivin) ji pêşkêşkirina hevseroka HDPê ya Berlîn Mehtab Erol bi beşdariya nivîskarên navdar (Recep Maraşlî, Sarkis Hatspanian û Ragip Zarakolu) her yekî gotareke dîrokî û pirî belgename pêşkêşkirin, wan da diyarkirin ku roja hebûna Komara Tirkiyê ne maye êdî divê danpêdan bi mafên Gelê Kurd û Ermen bê dan û weke cinoside di derheqê wan gelan de bê pesend kirin ji aliyê aştîxwazên cîhanê.

Recep Maraşlî di gotara xwe de daxwaza lêburînê ji Gelê Kurd kir ku zil û zuriyeke mezin li wan hatiye kirin yek hatin gunehbar kirin ku dest di komkujiya Ermenan de hene, ku ev ti rastiya nîne, belku Kurdan Ermen di malên xwe de parastin û jibo Ermenan can jî dan, herwisa îro roja Kurdane divê Kurdistan, welatê wan were avakirin da ku hemû cîhan bibîne û bizane ku mafê mirovan heye li ku wekhevî û pêkve jiyan heye ew tenê li Kurdistanê heye.

Piştre pirs û bersiv û giftûgo navbera amadevan û nivîskaran de hat kirin, di araste kirina pirsekî bo nivîskarê Ermen, aya li Ermenistanê biratiya Kurd û Ermenan hîna maye? Di bersivê de wiha got: “Helbet biratiya du gelên zilim dîtî di yek guristanê de jiyan kirîn maye, li Ermenistanê jiyan, dîrok, kultur û mûzîka kurdan liser rûpelên pertûk, govar û rojname û liser înternêtê bo zimanê Ermenî hatine wergerandin mîna vê pertûka di destê min de, divê mîna van berovajî bi zimanê Kurdî ger tişteke Ermeniyan bê wergerandin.

Li dawiyê bi beşdariya hejmareke hunermendê naskiriyên Ermenî ku ji Yerîvanê hatine şeveke mûzîka Ermenî - Kurdî bi coş û xweş derbazkirin.

Basnews