Li bajarê Agiriyê ya bakûrê Kurdistanê îsal 64 zarokên keç bi destûra malbat û dadgehan, bi zorê hatine zewicandin.

Li gorî nûçeya DÎHA`yê li navenda Agiriyê derket holê ku di nav sala dawî de li gorî daneyên fermî 64 keçên biçûk ên 16-17 salî hatine zewicandin. Keçên biçûk, an temenê wan hatine mezin kirin an jî malbatan serî li dadgehan dane û bi biryarên dadgehê hatine zewicandin.

Li gorî agahiyên fermî ku hatin wergirtin di nav vê salê de malbatên 64 zarokên keç ên biçûk, serî li Daîreya Zewacê ya Şaredariya Agiriyê dane û di çarçoveya biryara darazê û bi destûra malbatan hatine zewicandin.

Her wiha dîsa li gorî zanyariyên hatine bidest xistin 5 zarokên keç ên 16 salî jî ji bo ku bên zewicandin bi biryara dadgehê temenê wan hatine mezinkirin û hatine zewicandin.

Hêjayî gotinê ye ku, li cîhanê li gorî daneyên fermî di nav salekê de nêzîkê 14 mîlyon keçên biçûk bi zorê tên zewicandin.

Xendan