Koça penaberan ji Sûriyê û rojavayê Kurdistanê ber bi Tirkiye, Yûnanistan û Ewropayê ve berdewam dike. Piraniya koçberan li Girava Kos bi cih dibin.

Koçberên Sûriye û Rojavayê Kurdistanê ji Izmîra Tirkiyê bi belemên lastîkî xwe digihînin aliyê din yê deryaya Îce.

Gelek caran belem di nava avê de dimîne û koçber bin av dibin, dixeniqin. Derbaskirina deryayê gelekî xeter e.

Heta niha hejmareke zêde ji koçberên ku di bin avê de xeniqîne, termê wan wenda ye, nehatine dîtin.

Di nava 3 rojên dawiyê de nêzîkî 2 hezar koçberên ku piraniya wan xelkên Sûriyê û Rojavayê Kurdistanê bûn, xwe gihandine Kosê, ku 8 kîlometran ji Tirkiyeyê dûr e.

Ev vîdyoya ku hûn li ser ekranên Rûdawê dibînin, koçberekî ku di belemê de ye ji me re şandiye.

rudaw