Renca Şehîdan- Di şevekê de zêdetirî 16 milyon dolar hat komkirin
Şeva borî di bernameya Legel Ranj a Rûdawê de ku bi awayekê zindî hat pexşkirin, komek karsaz, dewlemend û sermayedarên Kurdistanê beşdar bûn.
Wan karsaz û dewlemendan bi bexişandina pere, xanî û alîkariyên din tevlî kampanyaya Rûdawê ya bi navê “Renca Şehîdan” bûn.
Di dawiyê de lêjneya ku ji bo çavdêrîkirin û belavkirina wan alîkariyan hatiye avakirin, ragihand, zêdetirî 16 milyon dolar hatiye komkirin.
Alîkariya herî zêde ji aliyê karsazê kurd Farûq Mela Mistefa ve hat dayîn. Farûq Mela Mistefa 3 milyar dînar da, pey wê jî karsazê bi navê Şêx Seid 2 milyon dolar alîkarî da malbatên şehîdan.
Hinek karsaz û şîrketên ku şeva borî tevlî kampanyaya Renca Şehîdan a Rûdawê bûn, ev in:
Farûq Mela Mistefa-Xwediyê şîrketa pêwendiyan a AsiaCellê: 3 milyar dînar
Şêx Seid- Xwediyê şîrketa Qeyan: 2 milyon dolar
Sîrwan Barzanî-Xwediyê şîrketa Korek Telecom: 1 milyon dolar
Pêşrew Dizeyî-Xwediyê şîrketa Falcon Grup û Impire World: 1 milyon dolar
Ehmed Îsmaîl- Xwediyê şîrketa Mas: 1 milyon dolar
Rêveberê Giştî yê Rûdawê Ako Mihemed jî di wê bernameyê de li ser kampanyayê axivî û spasiya karsaz û şîrketên ku tevlî kampanyayê bûne kir û got, hesbaba bankî ya kampanyayê dê roja 6ê Nîsanî were girtin.
Kampanyaya Renca Şehîdan a Rûdawê 25ê Nîsana îsal dest pê kir.
Kes û şîrketên ku dixwazin tevlî kampanyaya Rûdawê bibin, dikarin bi van hesabên bankî beşdar bibin:
Ji bo alîkariyên ji Herêma Kurdistanê û Iraqê,
Bank: Banka Navdewletî ya Kurdistanê (KIB)
Navê Hesab: RanjiShahidan
Hesab: 2222
Ji bo alîkariyên ji derve:
Bank: Banka Navdewletî ya Kurdistanê (Kurdistan International Bank)
Swift: KIBIIQBA
IBAN: IQ01KIBI2222
Navê Hesabê: RanjiShahidan
Rudaw
