Li bajarê Mekke yê Erebistana Siûdî, heciyekî din ê kurd ji ber nexweşiyê jiyana xwe ji dest da. Tê gotin termê wî heciyê kurd dê li Mekkê were definkirin.

Rêveberê Ragihandinê yê Wezareta Ewqaf a Herêma Kurdistanê Merîwan Neqişbendî diyar kir ku îro (21.10.2013) danê sibê heciyê bi navê Nerîman Xefûr Şerîf (63) li bajarê Mekke yê Erebistanê wefat kir.

Merîwan Neqişbendî her wiha ragihand, li gorî rapora pijîşkî ew heciyê kurd ji ber nexweşiya şekir û kirîza dil jiyana xwe ji dest daye û da zanîn, malbata wî heciyê kurd biryar dan termê wî li bajarê Mekkê were definkirin.

Beriya niha jî heciyekî kurd di dema bicîhanîna merasima hecê li bajarê Mekkê jiyana xwe ji dest dabû.

Rudaw