Li devera Melazigrê ya Mûşê li bakûrê Kurdistanê, di encama şerê du eşîran de kesek mir û 9 kes jî birîndar bûn.

Li gorî nûçeya DÎHAyê, îro (01.07.2013) li bajarokê Melazgirê yê Mûşê, endamên eşîrên Gebola û Celalî bi çekdan li hev dan.

Di bûyeran de kesê bi navê Mehmet Çelîk (40) ku bi giranî birîndar bibû li nexweşxanê can da û 9 kesên din jî birîndar bûn.

Birîndar rakirin nexweşxaneyên Melazgir, Bûlanik û Mûşê.

Heta niha sedema şerê wan eşîran nayê zanîn.

Rudaw