Li gorî daneyên amarakê Wezareta Tenduristiyê ya Erebistana Siûdî hat zanîn ku ji sedan 29’ê rûniştvanên bajarê Ceddeyê yê vî welatî tûşî vîrûsa HIV bûne û bi nexweşiya AIDS’ê ketine. Wezaretê da zanîn ku ji sedan 38’ê biyaniyên li vî welatî dijîn vîrûsa HIV bi wan re heye.

Di jimareya îro ya rojnameya Ukaz a Erebistana Siûdî de di warê rêjeya AIDS’ê li bijarê Ceddeyê de wiha hat gotin: “Li gorî amarên dawî yên Wezareta Tenduristiyê ji sedan 29’ê daniştvanên bajarê Ceddeyê tûşî vîrûsa HIV bûne û bi nexweşiya AIDS’ê ketine. Qaşo di navbera salên 1984-2010’an de rêjeya vê nexweşiyê kêm bibû.”

Di nûçeyê de hat diyarkirin ku li gorî amarên wezareta navborî ji sala 2010’an ve hezar û 121 kesên din tûşî vê nexweşiyê bû, 349 kes ji vana Siûdî ne û 682 kes jî biyanî ne. Her wiha îsal li gorî par ji sedan 9 rêjeya tûşbûna vê nexweşiyê kêm bûye.

Di amarên wezaretê de hat destnîşankirin ji sedan 44’ên van nexweşan di dema testa/kontrola pêş zewajê de nexweşiya wan aşkere bûne, ji sedan 12 bi rêyên cûr bi cûr, ji sedan 9 ji nav girtiyan, ji sedan 3 jî bi rêya xwebexşandina xwînê aşkere bûne.

Rudaw