Serokê Partiya Gelê Tirkmen amajeyê dide, “Pêkhateya Tirkmenan bi rêya Hikûmeta Herêma Kurdistanê kariye di hemî meydanên siyasî de rol hebe. Serokwezîr Mesrûr Barzanî herdem berevanî ji mafên Tirkmenan kiriye.”

Serokê Partiya Gelê Tirkmen Îrfan Kerkûkî tevlî dawî nûçeyên seet 23:00 ên K24ê bû û got, “Li Herêma Kurdistanê tevaya mafên Tirkmenan hatine misogerkirin, û nûnerîtiya xwe di hikûmetê de heye. Herêma Kurdistanê li ser astê rojhilat û cîhanê ji bo pêkvejiyanê bûye mînakek.”

Îrfan Kerkûkî amaje jî da, “Pêkhateya Tirkmenan dewlet serê Hikûmeta Herêma Kurdistanê kariye di hemî meydanên siyasî de rol hebe. Serokwezîr Mesrûr Barzanî herdem berevanî ji mafên Tirkmenan kiriye.”

Navbirî herwesa ragehand, “Serok Barzanî piştevaniya mafên Tirkmenan kiriye û herwesa li sala 2003ê tekîd dikir ku mafên Tirkmenan di destûrê Îraqê de bên çespandin. Em Tirkmen jî wê bizava Serok Barzanî qet ji bîr nakin.”

Serokê Partiya Gelê Tirkmen tekez jî kir, “Ji piştî sala 2003ê heta îro, hikûmetên yek li dû yekê yên Îraqê mafên pêkhateya Tirkmen binpê kirine û çi pile û post bi Tirkmenan nedane.”

 

K24