Nivîskarê siyasî yê Kurd ku di çapemeniya navnetewî ya erebî de dinivîse radigehîne ku çarenivîsa YNKê bi destê wan neberpirsên wek Bafil Talebanî û hêzên komando ber bi linavçûnê ve diçe.

Piştî zincîre reftarên mafyayî û çeteyî yên Bafil Talebanî û hêzên bin fermana kêmîneya desthilatdarên YNKê li hember rêveberên kevin ên YNKê pêkhatin, hejmarek zêde ji siyasetmerdar û şarazayên siyasî bêhêvîbûn ku YNK ya Bafil Talebanî bikare waha di rêveberiyê de bimîne û hişyariya linavçûnê temamî didin YNKê.

Nivîskarê siyasî Mihemed Wanî jî ji BasNewsê re ragehand, YNK bi destê Bafil Talebanî ve ber bi linavçûnê ve diçe û tenê li ser dem maye û ragehand: ‘’Bafil Talebanî wisa dizane ku bi wan karên ku dike herwaha dûrxistina tekoşerên YNKê, kesên wek Mela Bextiyar û wan bi kesên bi kesên wek Wehab Helebceyî û Şalaw Kosret Resûl diguhere, ev yek dê çalakvaniyê bixe bedena westyayî ya YNKê. Lê Bafil Talebanî bi vî karî ve YNKê ber bi terazinê û kendalekî avêtinê ve dibe û dê YNKê li nav bibe.’’

Nivîskarê kurd got, karên Bafil Talebanî bi taybet reftar û zêdegavî û neberpirsyariya hêzên komando ku dûr in ji nirxên yasayî û şaristanî û bi wan karane ve bêguman YNKê ber bi linavçûnê ve dibin û ev yek li ser demê maye.  

 

Basnews