Wezîrê Derve yê Iraqê behsa giringiya serdana Serok Barzanî ya ji bo Bexdayê dike
![Wezîrê Derve yê Iraqê behsa giringiya serdana Serok Barzanî ya ji bo Bexdayê dike](https://gulanmedia.com/public/images/posts/20240713124100_original_18.jpg )
Duh 12.07.2024ê Wezîrê Derve yê Iraq a Federal Dr. Fuad Husên di civîneke çapemeniyê ya li Bexdayê de serdana heftiya borî ya Serok Mesûd Barzanî bo Bexdayê pir serdaneke giring pênase kir û ragehand; Serdana heftiya borî dê bandoreke erênî li ser başkirin û pêşdebirina peywendiyên navbera Hikûmeta Herêma Kurdistanê û Hikûmeta Iraq a federal de bike.
Wezîrê Derve yê Iraqê diyar kir, Serok Barzanî yek ji kesayetên bi bandor ê proseya siyasî ya Iraqê ye, ji bo wê jî wê serdanê bandoreke zêde li ser peywendiyên navbera Hikûmeta Herêma Kurdistanê û Hikûmeta Federal a Iraqê hebû.
Roja 3yê Tîrmehê Serok Mesûd Barzanî lig el şandeyekî bilind a Herêma Kurdistanê geheşt balefirgeha navnetewî ya Bexdayê û ji aliyê cîgirên Serokwezêrê Iraqê Mihemed Temîm û Fuad Husên û hejmarek berpirsên hikûmetê û siyasî yên Iraqê ve pêşwazî lê hate kirin.
Serok Barzanî di serdana xwe ya Bexdayê de zêdetirî 17 hevdîtin û civîn li gel rêveberên aliyên siyasî, berpirsên partiyan û hikûmetê û balyozên welatan li Iraqê encam da.
Basnews