Amerîka dibêje me 196 operasiyon lidar xistine.

Fermandariya navendî ya hêzên Amerîkî daxuyaniyek belav kiriye û têde behsa amara operasiyonên Amerîkayê yên li Îraq û Sûriyeyê kiriye.

Di daxuyaniya han de hatiye eşkere kirin ku, di nava 7 mehên sala 2024an de hêzên Amerîkî li Îraq û Sûriyeyê bi giştî 196 operasiyon li dijî terorîstên DIŞIê li dar xistine.

Di encama operasiyonên han de 8 berpirsên mezin yên DIŞIê hatine kuştin û 32 berpirsên din jî hatine girtin.

Fermandariya navendî ya Amerîkayê diyar kiriye ku, 137 operasiyon li Îraqê hatine lidarxistin di encam de 32 terorîst hatine kuştin û 74 terorîst jî hatine girtin û li Sûriyeyê jî 59 operasiyon hatine kirin û di encam de 4 terorîst hatine kuştin û 92 terorîstên din jî hatine girtin.