Çend rojeke rewşa tenduristiya hunermendê kurd Seîd Gabarî xirabe û di bin çavdêriya bijîşkî ya hûr de ye.

Li gor zanyariyên BasNewsê ku ji hevalekî hunermend ê Seîd Gabarî bidest xistiye, naha Gabarî li nexwaşxaneyekî Hewlêrê di bin çavdêriya hûr de ye û rewşa wî jî gelek xirabe.

Herçend li gor rênmayiyên tenduristî û xwe parastina ji korona ti hunermendekî nekariye serdana Seîd Gabarî bike jî, lê bi rêya malbata wî ve zanyarî karîne bidest bixin û tê gotin bi amûra oksijenê nefes dikare bide û bistîne.

Hunermend Seîd Gabarî xelkê Rojavayê Kurdistanê yê Hesekê ye, sala 1956an ji dayîk bûye. Bavê 8 zarokan e û gelek berhemên giring ên muzikê afirandiye û yek ji hunermendên xwedî ezmûnên giring ê kurdî ye.

Basnews