Kêliyek beriya niha civîna Serokê Herêma Kurdistanê Nêçîrvan Barzanî li gel Wezîrê Derve yê Vatîkanê Paul Richard Gallagher li bajarê Munchen ê Almanyayê destpê kir.

Îro 58mîn Konfernsa Ewlekarî ya Munchenê destpê kir û 35 serok û serkirde, 100 wezîrên derve û berevanî yên welatên cîhanê û bi sedan berpirs û pisporên ewlekariyê têde beşdar in. Konferns dê ji 18ê mehê ve (îro) heta 21ê Sibatê berdewam be.

Şandeke pilebilind a Herêma Kurdistanê jî di 58mîn Konferansa Ewlekarî ya Munchenê de beşdar e. Serokê Herêma Kurdistanê Nêçîrvan Barzanî û Serokwezîr Mesrûr Barzanî bo konferansê hatine vexwandin.

Nûçegihana Rûdawê li Munchenê Ala Şalî ragihand, îro Serokê Herêma Kurdistanê Nêçîrvan Barzanî li Munchenê li gel Wezîrê Derve yê Vatîkanê Paul Richard Gallagher civiya.

Derbarê hûrgiliyên civînê de hêj ti zanyarî nehatine belavkirin.

Nûçegihana Rûdawê Ala Şalî herwiha ragihand, Serokê Herêma Kurdistanê li Munchenê dê li gel Serokê Komsîyona Yekîtiya Ewropayê, Sekreterê Giştî yê Netewên Yekbûyî, wezîrên derve yên Fransa, Îran û Qeterê, Wezîrê Berevanî yê Tirkiyê û Serokwezîrê Lubnanê jî bicive.

Serokwezîrê Herêma Kurdistanê Mesrûr Barzanî jî bo konferansa îsal a ewlekarî ya Munchenê hatiye vexwandin û dê ligel hejmarek berpirsên beşdar di konferansê de bicive.

 

Rudaw