Xwişka Behmen Qubadî Derhênerê Navdarê Sînemayê yê Kurd, Azer Qubadî stranek nû bo pêşmergeyê Kurdistanê û qurbaniyên şerê DAIŞê belav kir.

Strana Azer Qubadî bi navê Welat e û taybet bo Hêzên Pêşmerge yên Kurdistanê û şervanên Kurd û qurbaniyên şerê DAIŞê hatiye gotin û klîpek cuwan jê re hatiye amadekirin.

Azer Qubadî di daxuyaniyekê de ji Rûdawê re ragihand, ku teksta stranê ji aliyê Nahîd Hisên Penahî ve hatiye nivîsandin, awaza berhemê wê û Johan Bejerhalm amade kirine.

Azer Qubadî herwiha got, vîdyo klîpa ku bo stranê hatiye çêkirin, ji arşîvên Hêzên Pêşmege û şerê li dijî DAIŞê hatiye wergirtin.

Rudaw