Pêncemîn Festîvala Navdelwtiya Lîstikên Herêmî li bajarê Merîwanê yê Rojhilatê Kurdistanê bi amadebûna 286 lîstikvanan ji Îranê, Rojhilatê Kurdistanê û Başûrê Kurdistanê hat lidarxistin.

13 komên Kurd û Îranî di warên guleştê û werîskêşan û reqs û dîlanê de rikeberiya hev kirin.

Serokê Desteya Werzişê ya Merîwanê, Azad Mehmûdyan ragihand ku ji Başûrê Kurdistanê jî 5 komên ku nunertiya her yek ji bajarên Silêmanî, Hewlêr, Kerkûk, Dihok û Helebceyê dikin beşdarî kirine.

Mehmûdyan diyar kir ku ji Îranê komên werzişê yên parêzgehên Xuzistan, Loristan, Gulistan û Hemedanê beşdarî mihrîcanê bûne.

Festîvala Navdewletî ya Lîstikên Herêmî li qeraxa Gola Zirêbar a Merîwanê birêve çû û bo dema du rojan bû, ku duh pêncşemî dest pê kir û îro înê 27ê Gulanê jî bi dawî hat.

Merîwan dikeve 13o kîlometriya rojavayê bajarê Sine û hejmara rûniştvanên wê jî zêdetirî 160 hezar kes e.

Rudaw