Duh li bakurê Miami, li eyaleta Florîda ya Amerîkayê, avahiyeke 12 qatî hilweşiya, di bûyerê de kesekî jiyana xwe ji dest da û 99 kes jî winda ne.

Polîsê Miami ragihand; heta niha 99 kes winda ne, kesekî jî canê xwe ji dest da, ti zanyarî jî tune ye ku gelo qurbanî û kesên winda, nişteciyên wê avahiyê bûn, an jî li nêzîkî avahiyê bûn.

Hat ragihandin ku tîmên lêgerîn û rizgarkirinê dest bi rizgarkirina qurbaniyan kirine.

Weke din hat eşkerekirin ku ew avahî di sala 1980an de hatiye çêkirin û 130 malbat tê de dijiyan.

 

K24