dibêje yekxistina hêzên pêşmerge bo welatên hevpeyman gelek girînge.
Behsa hewldanên hevpeymanan li dijî DIŞIê hate kirin.

Îro li Pîrmamê Serok Barzanî pêşwaziya Cîgirê Fermandarê hêzên hevpeymanan yê li Sûriye û Îraqê Bell Richard kir.

Di civînê de Cîgirê Fermandarê hêzên hevpeymanan Bell Richar jiber şehîd kirina pêşmergeyan li çiyayê Metînan ji aliyê pkkê, ve sersaxî da Serok Barzanî û hêviya baş bûnê jî bo pêşmergeyên birîndar xwest.

Bell Richard bi berdewamiya axaftinên xwe de behsa hewldanên hêzên hevpeymanan li Sûriye û Îraqê yên li dijî terorîstên DIŞIê bo Serok Barzanî kir.

Di berdewamiya civînê de her du alî behsa ava kirina navendên hemahengiya hevbeş yên di navbera hêzên pêşmerge û artêşa Îraqê de bo rûbirû bûna terorîstên DIŞIê û dagirtina valatiya heyî ya li hin deverên Îraqê hate kirin û ev yek bi pêngaveke girîng hate wesifkirin.

Hewldanên heyî yên bo yek xistina hêzên pêşmerge û reformên nava hêzên pêşmerge mijarên din yên civînê bûn û Bell Richard ev yek eşkere kirk u yekxistina hêzên pêşmerge bo hevpeymaniya cîhanî gelek girînge.