Serokê Herêma Kurdistanê Nêçîrvan Barzanî, bi serdaneke fermî li Îmaratê ye. Armanca serdana Serokê Herêma Kurdistanê û şanda li gel wî bo Îmaratê, bi hêzkirina peywendiyên siyasî û aborî di navebra Herêma Kurdistanê û Îmaratê de ye.

Nêçîrvan Barzanî di serdana xwe de li gel Cihnişînî Abû Dabî Mihemed Bin Zayid AL-Nehyan û Cîgirê Fermandarê Giştî yê Hêzên Çekdar ên Îmaratê, û çend berpirsên din ên pile bilind ên wî welatî dicive.

Ehmed EL-Zahirî, Qunsulê Giştî yê Îmaratê li Hewlêrê dibêje "Ev serdana bo Îmarata Erebî ya Yekgirtî, li ser vexwendina birêz , Şêx Mihemed Bin Zayid AL-Nehyan hatiye, Serdana birêz Serok Nêçîrvan Barzanî bo welatê Îmaratê ji ber ew peywendiyên dûrûdirêj ên bi hêz dinavbera serkirdeyên welatê Îmarata Erebî ya yakgirtî û serkirdeyên Iraqê de ye, bi taybet li gel serkirdeyên Herêma Kurdistana Iraqê. Serdana vê dawiyê ya Birêz Serok Nêçîrvan Barzanî bo welatê Îmaratê û hevdîtina wî li gel bi rêz Cihnişîn Mihemed Bin Zayid,  bandoreke wê ya erênî hebû, bo bihêzkirina peywendiyên aborî û weberhênanê. Bêguman serkirdeyên genc wek Serok Nîçîrvan roleke wan ya mezin heye li Iraq û Herêma Kurdistanê, herwiha li navçeyê û li Cîhanê jî, îro serdana Serok Nêçîrvan Barzanî bi dilniyayî yek ji wan serdanan e, ku têd e Welatê Îmarata Erebî ya Yekgirtî hewl dide, bi rêya wan peywendiyên dû alî li gel Iraq û serkirdeyên Iraqê bi hêz bike"

Herêma Kurdistanê peywendiyên wê yên baş li gel Îmaratê hene. Di 9ê Mijdara 2019an de, Nêçîrvan Barzanî bi serdaneke fermî gihişt Abû Dabî û roja dû wê, li gel Cihnişînê Abû Dabî û cîgirê fermandarê Giştî yê Hêzên Çekdar ên Îmaratê Mihemed Bin Zayid û Serokê Encûmena Cîbicîkar a Abû Dabî civiya, û gelek mijar gotûbêj kirin.

Wek peywendiyên Hewlêr – Bexda, diyaloga çaresrkirina pirsgirêkên dinavbera wan de, daxwaza herdû aliyan bo başkirina peywendiyan, derfetên kar û weberhênanê bo kerta taybet a Îmaratê li Herêma Kurdistanê û Iraqî bi tevahî, peywendiyên herêma kurdistanê û Iraqê li gel welatên cîran û navçeyê. 

Piştî Tirkiyê, Îran û Çînê, Îmarat çaremîn hevbeşê bazirganî yê Herêma Kurdistanê ye, qebareyê Bazirganiya di navbera Îmarat û Herêma Kurdistanê de salane, bêhtir ji 1 milyar dolare, ku dike ji sedî 30 ji qebareyê bazirganiya Herêma Kurdistanê li gel welatên Kendavê.

120 kompaniyên Îmaratê li Herêma Kurdistanê kar dikin, û bi birê 3 milyar û 310 milyon dolar weberhênan li Herêma Kurdistanê kirine. Di heman dem de, di çend salên borî de, Îmaratê alîkariyeke mezin bo koçberên nava Herêma Kurdistnê pêşkêşkiriye.

 

Rudaw