Fîlmê sînemayê yê bi navê Merdan ê derhênerê Kurd Betîn Qubadî bo xelata Oskarê tê berbijarkirin. Wezareta Rewşenbîrî ya Iraqê fîlmê sînemayê yê bi navê Merdan ê derhênerê Kurd Betîn Qubadî helbijart daku nûnertiya Iraqê di gera 87`emin a Festîvala Sînemayê ya Oskarê de bike.

Li gor malpera fermî ya xelata Oskarê ji bo gera îsal, ku wê têde 83 welat hevrikiya bidestxistina wê xelatê bikin, yek ji wan welatan jî Iraq e û bi fîlmê Kurdî yê bi navê Merdan beşdar dibe.

Fîlmê Merdan, çîroka pêşmergeyekî Kurd vedibêje û ew film di sala borî de li Herêma Kurdistanê hat tomarkirin û têde lîstikvanê navdar ê Kurd Husên Hesen, dengbêja Kurd Hêlane Ebdula, Helly Luv, Isamîl Zagros, Feyaz Doman, Mîr Murad Bedirxan û çend lîstikvanên din rol dibînin.

Di senaryoya fîlmê Merdan de, Pêşmergeyekî Kurd, ku di zarokatiya wî de çîrokek nexweş tê serê wî û dibe mirovekî dûrxistî û bi tenê dimîne, ew li xwezaya kovî û di nav çiyayên Kurdistanê de li zilamekî windabûyî digere.

Wek tê zanîn, fîlmê bi navê Merdan, fîlmê yekem ê dehênerê Kurd Betîn Qubadî ye û dê beşdarî gera 87’emîn a festîvala Oskarê bibe, ku biryar e di roja 22’ê Sibata 2015’an li Amerîkayê bê lidarxistin.

Basnews