Wek piştgiriyekê bo Pêşmergeyên Kurdistanê ku niha li eniyên şer in, stranbêja Kurd Helly Luv bi cilên Pêçmerge beşdarî Festîvala Navneteweyî ya Fîlman a Torontoyê bû.

Stranbêja Kurd Helly Luv li ser rûpela xwe ya tora civakî ya Facebookê wiha nivîsiye: ‘’Wek piştgirî û dilsoziya min bo birayên Pêşmerge yên qehreman ku niha li eniyên şer in, bi cilên Pêşmerge tevî Festîvala Navnetewî ya Fîlman a Torontoyê li welatê Kanada bûm.’‘

Luv wiha dibêje: ‘’Her dema gehiştim cihê festîvalê gelekan ji amadevanan pirsa van cilan ji min kirin, min jî gelekî bi şanazî berî ku dest bi axaftinê bikim li ser festîval û fîlman min ji amadevanan re got ku evna cilên Pêşmergeyên qehreman in ku niha di şer de ne û şer bo aştî û azadiya hemû cîhanê dikin neku tenê bo Kurdistanê, ez ji vê derê rêz û xoşewîstiya xwe bo hemû Pêşmergeyên qehreman dişînim û ji wan re dibêjim her li çi cihekî bim hun di dilê min de ne.’‘

Luv wiha nivîsiye: ‘’Piştre yekem car bi amadebûna çendîn aktorên cîhanî û ekîba fîlm, Fîlmê Merdan hat pêşandan û piraniya amadevanan ji filmê me man ecêbmayî. Derhênerê fîlmê Merdan Betîn Qubadî ye û ez jî di vî fîlmî de wek aktorekê rolê jineke Kurd dibînim û gelekî şanaziyê jî bi wê yekê dikim ku wek yekem keça Kurd beşdarî festîvala Toronto ya fîlman bûm ku di rojên 8 û 14’ê vê mehê de careke din tê pêşandan.

Basnews