Belge fîlma ’’Hezar û Yek Sêv - 1001 Apples’’ a derhênerê Kurd, Taha Kerîmî ku di sala 2013’an de du xelatên girîng bi dest xistine, di vê mehê de beşdarî du festîvalên navneteweyî dibe.

Rêveberê ragihandina giştî yê fîlmê ’’Hezar û Yek Sêv’’, bi daxuyaniyeke nivîskî ragihand ku Fîlmê 1001 sêv pêşî derbasî welatê Polonyayê dibe û beşdarî13’mîn festîvala Watch-Doc a ji bo mafê mirovan dibe û piştre diçe Dubaiyê û beşdarî ’10’mîn festîvala Fîmlên Dubaiyê’’ jî dibe.

Fîlmê navbirî heta niha di sê festîvalên navneteweyî de wek baştirîn fîlmê belgesel yê sala 2013’an du xelatên girîng bi dest xistine .

Fîlmê ’’Hezar û Yek Sêv’’ berhema derhênerê ciwan ê Kurd, Taha Kerîmî ye ku çîroka Enfal û Sêva mêxekrêj vedibêje û bi hevkariya Rêveberiya Rewşenbîrî ya Germiyan û Wezareta Karûbarên Şehîd û Enfalkiriyên Herêma Kurdistanê hatiye çêkirin û navê wê ji ’’sêva Mêxekrêj’’ hatiye.

Kerîmî çend meh beriya niha di bûyera tirafîkê de li Başûrê Kurdistanê jiyana xwe ji dest da.