Koma mûzîkê ya Henane bi serperştiya Kameran Hîmet Pûr û bi dengê Sîrûs Melekî li bajarên Mosko û Tataristana welatê Rûsiya, konsertên Tenbûr û Goraniyên Kurdî pêşkêş Dike.

Serperştiyarê koma Henane Kameran Hîmet Pûr bo ajansa Peyamnêr ragihand: Me biryare, di rojên 6 heta 12 vê heyvê, li bajarên Mosko û Tataristana welatê Rûsiya, konsertên mûzîka tenbûr û sitranên Kurdî saz bikin.

Weha jî da zanîn kû: dê ev konsert li ser dû beşan werin sazdan û dê hevtiyekî dirêj bike, beşa yekemînê van konsertan dê taybet be bi mûzîka resena amêra Tenbûrê, kû tê de çendîn berhemên ji awazdaneriya min tên pêşkêş kirin û beşa dûyemîn jî taybet dibe bi mûzîkên navçeyên cûr be cûrên Îran û Kurdistanê, wekî din têde çendîn goranî, parçemûzîkên navçeyên Kurdistan, Kirmaşan, Azirbeycan, Xorasan û Bîrcend tê pêşkêş kirin.

Endamên koma mûzîkê Henane pêktên ji : Kameran Hêmet Pûr – serpereştiyarê komê û awazdaner û jeniyarê tenbûr û sêtar, Hesen Xudayî – jenyarê Kemençe, Nasir Kawe- Jenyarê Ûd -dîwan û Tenbûr, Ferîd Qasimî- jenyarê def û dehol û zerb û Sîrûs Melekî sitranbêj.

Koma Henane heta weke niha li welatên Hindistan, Turkiye, Birîtaniye, Almaniya, Çîk, Îmarat û çendîn welatên din konsert pêşkêş kirine.