Hunermendê Kurd Xêro Abbas, bû mêvanê bernameya kanala Haberturkê a bi navê "Rewşa Welêt - Memleket Halî". Xêro Abbas stranên xwe yên wek "Xerîbo", "Hêvî û Evîn", "Westîyabû", Kezî Zerê" xwendin.

Hunermendê Kurd Xêro Abbas, cara ewil beşdarî bernameya televizyoneke Tirkiyê bû û bi Kurdî stranên xwe gotin.

Kanala Haberturkê di bernameya xwe de a ku Balçîçîk Îlter pêşkêş dikir, Xêro Abbas di weşana zindî de kire mêvan.

Ligel Xêro Abbas, hunermendên navdar Yavuz Bingol, Hayko Cepkin, suretvan Ahmet Guneştekîn, lîstikvan û nivîskar Pelîn Batu jî di bernameya bi navê "Rewşa Welêt - Memleket Halî" de cih girtin.


Xêro Abbas di bernameya zindî de stranên wek, Xerîbo, Hêvî û Evîn, Westiyabû, Kezî Zerê xwendin. Ji aliyê kesên studyoyê ve û bi taybet jî ji aliyê temaşevanên bernameyê ve gellekî hate ecibandin. Temaşevanan gellek peyam ji bo Xêro Abbas şandin û kêfxweşiyên xwe anîne ziman.

Avestakurd