Stranbêja navdara Pakistanî Xezale Cavîd ji alîyê çend çekdarên nenaskirî ve li bajarê Pîşawer a wî welatî hate terorkirin û gîyanê xwe ji dest da.


Jêderên ragihandinîyên Pakistanî û cîhanî ragihandine, ku stranbêja navdara Pakistanê Xezale Cavîd bi destê çend çekdaran hatiye terorkirin. Li gor ewan jêderan Xezale Cavîd d li gel bavkê xwe bûye û serdana naveneka cuwankarîyê li bajarê Nû li nêzîkî Dabigrî kiriye û dema ku ji evê navendê hatiye derve, ji alîyê du çekdarên nenaskirî ve rastî êrişê hatiye.

Jêderên ragihandinê belav kirine, ku çekdaran çend fîşek berdane Xezale Cavîd û bavkê wê ku di encam de bavkê evê stranbêja nadara Pakistanî di cih de gîyanê xwe ji dest dide û Xezale jî bi dijwarî birîndar dibe. Li gor heman jêderan Xezale Cavîd di dema veguhastina bo nexweşxaneyê de û bi gerê dijwarbûna birînan, gîyanê xwe di rê de ji dest dide.

Li gor nûçeya Internatoinal News, ev stranbêja Pakistanî şeş fîşek ber wê kevtibûn û bavkê wê jî çar fîşek ber kevtibûn.

Polîsê Pîşawerê ragihandiye, ku ´´ niha wan goman li ser Cehangîr hevjînê berê yê Xezale´yê heye ku tenê 6 heyvan bi hev re jîyan kirin.´´ Heta niha ti kes, alî yan jî grûpek ev kirdar negirtiye ser milên xwe.