Hunermendê ereb yê bi navûdeng Fezil Şakir di ahengeke xwe de nifir li serokdewletê Sûriyê Beşar el-Esed kirin û ji beşdaran xwest bêjin “Amîn”.

Li gor malpera Alarabiya.net hunermenda ereb Fezil Şakir di çarçoveya mihrîcana “Mêzînên Rîtmên Cîhanê” li Mexrîbê (Fasê) de cemawerê xwe mat hişt, dema di şevbuhêrka xwe de nifir li Beşar el-Esed kirin û ji wan xwest bi gotina Amîn lê vegerînin.”

Fezil Şakir di şevbuhêrka xwe de nifir û dua wiha li Serokdewletê Sûriyê kirin, “Xwedê Beşar el-Esed jinav bibe, xwedê Beşar el-Esed birûxîne.” Hevdem cemawerê wî li pey wî gotin, “Amîn, Amîn.”

Her pêştir jî hunermendê ereb yê bi navûdeng Fezil Şakir piştgiriya xwe bo şoreşa gelê Sûriyê ragihand û soz da bi hemû şêweyan palpiştiya şoreşgerên Sûriyê bike.

AKnews