Fîlmê bi navê “Trattoria” ya derhenara Duhokî Soleen îsal tevlî 62. Festîvala Navneteweyî ya Berlînê dibe:

Soleen Yusef derbarê çîroka fîlm bo Rûdawê ragihand çîroka fîlm sala 2011ê xelata Caligani Preis wergirtiye û senaryoya fîlm jî wê bi xwe nivîsandiye û got, “Mijar li ser hebûna keçeke dayîk Îtalî û bav Alman e, ku bavê wê endamek mafyayê ye û keça wî dixwaze wî biguherîne.” Aktorê navdar ê alman Uwe Preuss rola "Bosse" dileyîze.

Aktrîsa alman Anna Herrmann jî rola Lea dileyîze ku keça Bossî ye, dayîka wê dimire û ew bi serê xwe dimîne, dawiyê diçe restoranta bavê xwe kar dike, lê bavê wê xwe pê haydar nake heya ji aliyê komeke Kurd ve tê kuştin; Lea dibe xwediya rêstorantê û li cihê bavê xwe kar dike.

Solîn derbarê mesrefên fîlm de diyar kir ku 36 hezar euro ji bo fîlm hatine xerckirin û Arte, SWR, BR, Film Akademie Baden - Wurttemberg û MîtosFilm alîkarî dane wê, herwiha herdu rêveberiyên giştî yên çand û huner û sînemayê li Duhokê weke piştevanî alîkariya maddi dane.

Fîlm 43 xulek didome û bi beşdariya 6 aktorên sereke wek Jana Raschke, Maximilian Vetter û kameramanê xwedî çendîn xelat Stephan Burchardt di Cotmeha 2010ê de destpêkiriye.

Film li salona Sinemax Kîno roja 13ê Sibatê bo rojnamevanan û roja 14ê Sibatê jî bo temaşevanan tê nîşandan.

Di Festîvala Navneteweyî ya Berlînê ya 62.de wê fîlmê Umut Dag, Kuma-Hewî jî beşdar bibe. Festîval wê di navbera 9 -19ê Sibatê de bidome û wê gellek aktor, derhêner û hunermendên navdarên cîhanê werin Berlînê.

rudaw