Biryar e, sibê yekşemê, festîvala kultûrî, rewşenbîrî û hunerî ya kurdî li Urdunê bê sazkirin û dê 3 rojan bidome.

Wezîrê Rewşenbîrî û Lawan ê Herêma Kurdistanê Kawa Mehmûd ji AKnewsê re daxuyand ku festîval sibê dest pê dike û dê 3 rojan berdewam be.

Mehmûd bal kişand ku festîval ji hêla Komeleya Dostanî ya Iraqî-Urdunî ve tê sazkirin û îro jî şandek ji Herêma Kurdistanê dê biçe Urdunê.

Ji bal xwe ve, Serokê Yekîtiya Odeyên Bazirganî û Pîşesazî yên Herêma Kurdistanê Dara Celîl Xeyat ji AKnewsê re ragihand ku şandeke yekîtiya wan ku ji 30 kesan pêk tê, dê di çarçoveya festîvalê de çend hevdîtin û civînan digel veberhêner û karsazên Urdunê pêk bîne.

Xeyat amaje kir ku armanca wan beşdarîkirina veberhêner û karsazên Urdunê ye di prosesa avakirina Herêma Kurdistanê de.

AKnews